印度航空公司畀女乘客優先揀位？

一個人旅行已經唔係新鮮事，為咗令獨遊女乘客更安心，印度航空公司 Air Vistara 推出「Vistara Woman Flyer」計劃，畀女乘客優先選擇座位，到埗後亦有職員協助。

雖然買機票或者網上 check-in 時可揀位，但有時咁啱冇晒位，都可能要坐中間位。不過 Air Vistara 保證，即使女乘客冇事先揀位，在機場 check-in 時都會安排佢地坐窗口或走廊位，咁就可以避免夾喺唔識的男士中間，非常貼心。(圖：Goodnet.org)

Vistara 的地勤會喺出發地或最終目的地機場的行李區， 舉「#VistaraWomanFlyer Assistance」的標示，佢地會幫手運送行李、call 的士，如有需要，仲可以親自送你到的士站，但的士費當然要自付。(圖：Palin Ningthoujam@twitter)

這些服務係免費，不過只限乘坐 Vistara 航班、獨遊或帶同小孩的女性乘客使用，航空公司預計每日有 75 至 100 名女性使用此服務。留意Vistara 目前只有印度國內航線，計劃為 2018 年推出國際航線。 (圖：The Ladies Finger)

女性遊印度的安全問題一直受關注，因當地常有性侵事件發生，今年亦有德國女遊客在印度海灘被性侵。Vistara 推出的女性服務雖然有少少用，但不足以確保安全，自己一個去印度都要考慮清楚先。另外，Air India 在本地航班設女性專用座位。

而印度部分城市亦有女性專用火車車廂，以及女性專用的士服務。如果大家真係一個人去印度，盡量使用上述服務，咁就會玩得安心啲。

網址：www.airvistara.com

U Travel 原文：https://bit.ly/2B9POkR