跟《鬼怪》去韓國高敞睇蕎麥花海

Updated: Sep 19, 2020

《鬼怪》取景地靚到不得了，相信劇迷一定記得孔劉經常流連的白色蕎麥花海！劇集播出時未開花。等咗大半年，終於到蕎麥花盛開的季節，好想即買機票去韓國高敞睇蕎麥花呀！

大麥國度鶴苑農場位於全羅北道高敞郡，鄰近全州，由首爾市區需坐 3.5 小時的高速巴士才到高敞。雖然唔近首爾，但睇到咁靚的景色，點都值啦。(圖：Twitter)

蕎麥花海係鬼怪的秘密基地，喺戲入面超重要——古代時鬼怪屍首被遺棄的野外、現代拿着蕎麥花踱步、鬼怪新娘拔劍不逐變在花田錫錫、大結局結婚場面，都喺大麥國度鶴苑農場拍攝！

除咗《鬼怪》，其實仲有好多韓劇、電影和廣告在這裏取景，例如周元主演的韓劇《我的野蠻公主》、李準基的《朝鮮神槍手》、宋仲基的電影《狼少年》等。(圖：도깨비@Facebook)

蕎麥花節係 9 月和 10 月限定，過咗就要等多一年。10 月 22 日前出發仲可以見到向日葵和蕎麥花同時盛開，場面一定好震撼！如果春天去，可以睇到韓國最大的青麥田。 (圖：borinara)

大麥國度鶴苑農場的蕎麥花田有成 20 萬坪，真係有排行、有排影！大家可以盡情擺甫士影「感覺照」，情侶們仲可以模仿《鬼怪》 sweet 到爆的場面。(圖：lovesome_94@IG)

農場有展望台、遊客中心、民宿、餐廳、草坪運動場和紀念品店。草坪運動場的面積達 2,000 坪，可以玩足球和其他民族競技。而在蕎麥花節期間，餐廳會用農場種植的蕎麥製作食物，賣場亦售賣蕎麥加工的農產品，例如蕎麥茶、蕎麥涼粉、蕎麥粉等。(圖：Naver)

大麥國度鶴苑農場 (보리나라 학원농장)

地址：全羅北道高敞郡孔音面鶴苑農場街158-6

전라북도 고창군 공음면 학원농장길 158-6

電話：+82 (0)63 564 9897

日期：花期為 9月1日至10月9日

營業時間：9am-7pm (散步路入黑後不開放)

收費：停車場、散步路免費

交通：從高敞搭乘往茂長面的公車，轉公車至仙山下車，步行 10 分鐘；或於茂長面搭的士 (約 50 港元)

Web Content