儲哩數狂熱！寵物都有飛行獎賞

越來越多人帶住寵物去旅行，為咗迎合新趨勢，陸續有航空公司推出為寵物而設的飛行獎賞，其中包括大韓航空。 

大韓航空 (Korean Air) 認為寵物和人應該享有相同的優惠，自今年 5 月 26 日起推出寵物飛行常客計劃「SKYPETS」，每次出 trip 都可以儲積分，係韓國唯一一間航空公司有此服務。

如想加入計劃，要先喺網站為寵物登記，最多可登記 5 隻動物，並只限貓、狗和鳥類。成功登記後，每次帶寵物搭航班可獲印花，以單程計算，國內航班有 1 個印花，而國際航班則有 2 個印花。

累積夠 6 個印花，國內航班的寵物旅行費用半價，12 個印花可免付國內航班寵物費或國際航班半價，24 個印花國際航班可免費。不過印花的有效期只有 3 年 (由登機當日起計算)，所以唔係密密飛就幾難受惠！

航空公司對於寵物飛行的要求不盡相同，如有部分航空公司視乎寵物種類和體積，讓主人決定上機同行或托運。

除咗韓國，其他航空公司都有類似計劃，例如 JetBlue 喺美國推出「JetPaws」，英國航空公司 Virgin Atlantic 就有「Flying Paws」。

大韓航空詳情：按此

（圖片來源：網上圖片）

U Travel 原文：https://bit.ly/2ZIU1Gs