極光出沒！遠赴挪威塞尼亞島追光

極光一生人點都要睇一次，心動不如馬上行動！今個月尾開始就係睇極光的季節，挪威的塞尼亞島追極光遊客比冰島、芬蘭少，但一樣睇到靚爆的極光！

根據 Aurora Borealis Observatory，8 月 25 日至 4 月 10 日係睇北極光的季節，要把握這段時間去塞尼亞島欣賞極光。

塞尼亞島 (Senja) 係挪威第二大島，有「挪威縮影」之稱，可以一次過睇海、山、沙灘和漁村。雖然不及挪威的斯瓦爾巴群島 (Svalbard) 和特羅姆瑟 (Tromso) 出名，但勝在遊客較少，但景觀一啲都輸蝕㗎。

睇到綠、青、紫和藍色的極光同時出現喺空中，感覺太不可思議。極光仲有唔同的形狀，例如海浪、圓形、垂直的綫條，好想親眼睇一次！

塞尼亞島湖邊係睇極光的靚位，仲可以欣賞到雪山和結冰的湖面。留意返，塞尼亞島全年都好凍，最高溫只有 13°C，而 8 月至 4 月期間，氣溫由 -5°C 至 11.5 °C 不等，記得帶足夠禦寒衣物。

去塞尼亞島的交通有幾種：可以從挪威的巴杜弗斯 (Bardufoss) 的機場，坐一小時的巴士到塞尼亞島；或者在特羅姆瑟 (Tromso) 坐渡輪。如果報極光團，仲有機會提供機場接送服務。

Aurora Borealis Observatory 亦都有舉辦極光團，每人每日 2,399 克朗 (約 2,388 港元)，包食宿、交通、追極光和其他活動，如參觀野生動物園，仲有借相機服務。在等極光期間，你可以在玻璃屋內歎住等，唔使喺出面捱凍！詳情：visitsenja.no

（圖：Aurora Borealis Observatory - Visit Senja）

U Travel 原文：https://bit.ly/2zrOObn